اس ماہ کا موضوع ”نعتیہ اشعار”
مرے رسول کہ نسبت تجھے اجالوں سے
میں تیرا ذکر کروں صبح کے حوالوں سے
شاعر:احمدفراز‘ انتخاب: صبیحہ احمد‘ لاہور
بہر تصدیق سند نامہ نسبت عشاق
مہرخاتم کے نگینے کی طرف دیکھتے ہیں
ُُٰشاعر:افتخار عارف‘ انتخاب:شاہد اعوان‘ کراچی
جمالِ دعوت‘ کمال سیرت‘ ظہورِ فتحِ مبیں کی صورت
اک ایک پہلو میں رب العزت کی شان ظاہر‘سلام تجھ پر
شاعر:اشرف آصف‘‘ انتخاب:فیصل اعوان‘ چکوال
پیغمبر کا جہاں پر آستاں ہے
زمیں کا اتنا ٹکڑا آسماں ہے
شاعر:استاد امام دین گجراتی‘ انتخاب:طارق خان‘ گجرات
نعت لکھتا ہوں مگر شرم مجھے آتی ہے
کیا مری ان کے مدح خوانوں میں ہستی ہو گی
شاعر:منشی شنکر لال ساقی‘ انتخاب:محمداسماعیل ‘ تلہ گنگ
کلمہ صلِ علیٰ وردِ زباں رکھتا ہوں
خواب میں دیکھ لیا ہے قد بالا تیرا
شاعر:پیارے لال رونق‘ انتخاب:شبیر احمد‘ راولپنڈی
بتائوں کوثری کیا شغل اپنا
میں ہوں ہر دم ثناخوانِ محمد
شاعر:دلورام کوثری‘ انتخاب: کوثرجبیں‘ اٹک
ہے حامی و ممدوح مرا شافعِ محشر
کیفی مجھے اب خوف ہے کیا روزِ جزا کا
شاعر:پنڈت دتاتریہ کیفیؔ‘ انتخاب: محمدعلی‘ جھنگ
اے باعث صد فخرجہاں شان مدینہ
اے نغمہ سرا بلبل بستان مدینہ
شاعر:تیج ونت رائے‘ انتخاب:اسماء زبیر‘ راولپنڈی
کہہ دل کا حال شاہِ رسالت مآب سے
ہو بے نیاز ذکرِ عذاب و ثواب سے
شاعر:عرش ملیسانی‘ انتخاب:تنویر اکبر‘ فیصل آباد
عشق ہو جائے کسی سے کو ئی چارہ تو نہیں ہے
صرف مسلم کا محمد پہ اجارہ تو نہیں ہے
شاعر:کنور مہندر سنگھ بیدی‘ انتخاب:طاہر خان‘ پشار
اگر دیکھی نبوت تو محمد آپ کی دیکھی
کرم دیکھا، عمل دیکھا، مثالی زندگی دیکھی
شاعر:کرنال سنگھ سردار پنچھیؔ‘ انتخاب:
خدا کا وہ نہیں ہوتا‘ خدا اس کا نہیں ہوتا
جسے آتا نہیں ہونا‘ تمہارا یا رسول اللہ
شاعر:چاندبہاری لال صبا‘ انتخاب:آصف محمود‘ کراچی
خال رخسار نبی کی کیا صفت تارا لکھے
کہہ نہیں سکتے ہیں ہرگزناقہ تاتار ہم
شاعر:لالہ تاراچند تارا‘ انتخاب:شائستہ جبین‘ گجرات
پھرکالکا پرشاد سے کوئی پوچھے کہ تو کیا لے
تو نعلین محمد کو وہ آنکھوں سے لگا لے
شاعر:کالکا پرشاد‘ انتخاب:قراۃ العین‘ اسلام آباد
