امریکہ میں خسرے کے تصدیق شدہ کیسز کی تعداد 4 ہزار 80 ہوگئی ہے۔ ان میں 5 سے 19 سال کے بچوں اور نوجوانوں کا حصہ سب سے زیادہ، 42 فیصد ہے۔
برطانوی خبر رساں ادارے رائٹرز کے مطابق 8 اکتوبر تک کیسز میں گزشتہ ہفتے سے 193 کا اضافہ ہوا۔ امریکی ادارے سی ڈی سی کے اعدادوشمار میں 20 سال یا زائد عمر کے افراد کا حصہ 40 فیصد رہا۔ بیماری 45 ریاستوں اور واشنگٹن ڈی سی تک پھیل چکی ہے۔
رواں سال 414 مریض ہسپتال میں داخل ہوئے، جبکہ دو اموات کی تصدیق ہوئی۔ پنسلوانیا میں ایک ہزار سے زیادہ کیسز رپورٹ ہوئے، جبکہ نیویارک میں خسرے کے باعث ہنگامی حالت نافذ کردی گئی۔
ماہرین نے بچوں کی ویکسینیشن میں کمی کو وبا کی بڑی وجہ قرار دیا ہے۔ سی ڈی سی نے ایم ایم آر ویکسین لگوانے پر زور دیا ہے۔
Tags: امریکہ میں خسرے کے کیسز
