سیڑھیاں چڑھنے سے امراض قلب سے موت کا خطرہ 39 فیصد کم، تحقیق

ماہرین کے مطابق سیڑھیاں دل کی صحت کے لیے بہت مفید ہے۔ ایک حالیہ تحقیق میں باقاعدگی سے سیڑھیاں چڑھنے والے افراد میں دل کی بیماریوں سے موت کا خطرہ 39 فیصد کم پایا گیا ہے۔

تحقیق میں 4 لاکھ 80 ہزار سے زائد افراد کے ڈیٹا کا جائزہ لیا گیا۔ شرکا کی عمریں 35 سے 84 سال کے درمیان تھیں۔ نتائج کے مطابق سیڑھیاں چڑھنے والوں میں کسی بھی وجہ سے موت کا خطرہ 24 فیصد کم پایا گیا۔ ہارٹ اٹیک، ہارٹ فیل اور فالج سمیت دل کی بیماریوں کا خطرہ بھی نسبتاً کم تھا۔

تحقیق یونیورسٹی آف ایسٹ اینگلیا اور نورفوک اینڈ ناروچ یونیورسٹی ہسپتال کے محققین نے کی۔ اس کے نتائج یورپین سوسائٹی آف کارڈیالوجی کی سائنسی کانفرنس میں پیش کیے گئے۔