ہیپاٹائٹس سی کے مریضوں کی تعداد میں پاکستان دنیا بھر میں سرفہرست

وزارتِ قومی صحت نے قومی اسمبلی کو بتایا ہے کہ پاکستان میں ہیپاٹائٹس سی کے تقریباً 90 لاکھ مریض ہیں۔ مریضوں کی تعداد کے لحاظ سے ملک دنیا بھر میں سرفہرست ہے۔ ہیپاٹائٹس بی اور سی سے متاثرہ افراد کی مجموعی تعداد تقریباً ایک کروڑ 29 لاکھ ہے۔

ایکسپریس ٹریبیون کے مطابق وزارت نے یہ اعدادوشمار عالمی ادارۂ صحت کے حوالے سے پیش کیے۔ ان کے مطابق ہیپاٹائٹس بی سے 38 لاکھ 60 ہزار سے زیادہ افراد متاثر ہیں۔ ملک میں ہیپاٹائٹس سے سالانہ تقریباً 48 ہزار اموات ہوتی ہیں۔

پاکستان ہیپاٹائٹس سی سے سب سے زیادہ اموات والے سرفہرست 10 ممالک میں بھی شامل ہے۔ سال 2024 میں اس بیماری کے 88 ہزار سے زیادہ نئے انفیکشن ہوئے۔