پاکستان نے ذہنی صحت کی سہولیات تک رسائی بڑھانے کے لیے نیشنل مینٹل ہیلتھ پالیسی 2026-2035 متعارف کرا دی ہے۔ پالیسی کا اعلان اسلام آباد میں پاکستان گلوبل مینٹل ہیلتھ سمٹ کے موقع پر کیا گیا۔
اے پی پی کے مطابق پالیسی وزارتِ صحت کی قیادت میں تیار کی گئی۔ عالمی ادارہ صحت، یونیسف اور دیگر قومی و بین الاقوامی شراکت داروں نے اس میں تعاون کیا۔
پالیسی کے تحت سکولوں، بنیادی مراکز صحت اور کمیونٹیز کے ذریعے ذہنی صحت کی خدمات تک رسائی بڑھائی جائے گی۔ ذہنی مسائل کی جلد شناخت اور ابتدائی مدد پر بھی توجہ دی جائے گی۔
حکومت کے مطابق پاکستان میں تقریباً 3 کروڑ 24 لاکھ افراد کو مینٹل ہیلتھ کیئر کی ضرورت ہے۔ پالیسی کا ایک اہم مقصد علاج کی ضرورت اور دستیاب سہولیات کے درمیان فرق کم کرنا ہے۔
Tags: مینٹل ہیلتھ پالیسی
