جرابوں میں پیاز رکھنے سے نزلہ زکام ٹھیک نہیں ہوتا، ماہرین

نزلہ زکام میں جرابوں کے اندر پیاز رکھ کر سونے کا ٹوٹکہ سوشل میڈیا پر بہت مقبول ہے۔ تاہم اس سے نزلہ زکام ٹھیک ہونے یا جسم سے زہریلے مادے نکلنے کا کوئی سائنسی ثبوت موجود نہیں۔

میک گل یونیورسٹی کے آفس فار سائنس اینڈ سوسائٹی کے مطابق پیاز میں بعض اینٹی بیکٹیریل مرکبات موجود ہیں۔ تاہم یہ جسم سے جراثیم یا زہریلے مادے نہیں کھینچ سکتا۔ نزلہ زکام وائرس کی وجہ سے ہوتا ہے، اس لیے اسے اس کا علاج نہیں سمجھا جا سکتا۔

پیاز میں وٹامن سی، فائبر اور کوئرسیٹن سمیت اینٹی آکسیڈنٹس پائے جاتے ہیں۔ یہ غذائی اجزا صحت کے لیے مفید ہیں، مگر اسے پاؤں پر رکھنے سے ایسے فوائد ملنے کا ثبوت نہیں۔ ماہرین کے مطابق غیر ثابت شدہ گھریلو ٹوٹکوں کو ضروری طبی نگہداشت کا متبادل نہیں سمجھنا چاہیے۔