اینٹی بایوٹکس کے ساتھ زیادہ میٹھا کھانا آنتوں کی صحت کے لیے نقصان دہ، تحقیق

اینٹی بایوٹکس کے استعمال کے دوران زیادہ میٹھا کھانا آنتوں کے بیکٹیریا کا توازن متاثر کر سکتا ہے۔ اس سے آنتوں کی صحت متاثر ہو سکتی ہے۔ جرنل نیچر میں شائع تحقیق میں یہ تعلق سٹیم سیل ٹرانسپلانٹ کے مریضوں میں سامنے آیا۔

تحقیق میں 173 مریضوں کے 9,400 سے زائد کھانوں کا ریکارڈ شامل تھا۔ نتائج کے مطابق میٹھی غذاؤں اور مشروبات کا زیادہ استعمال آنتوں کے بیکٹیریا کی اقسام میں کمی سے منسلک تھا۔ میٹھے کے استعمال میں ہر 100 گرام اضافے کے ساتھ یہ کمی تقریباً 24 فیصد زیادہ دیکھی گئی۔ انٹروکوکس نامی بیکٹیریا کی تعداد بھی بڑھی۔ یہ بیکٹیریا عام طور پر آنتوں میں موجود ہوتے ہیں، تاہم ان کا بہت زیادہ بڑھ جانا آنتوں کی صحت کے لیے نقصان دہ ثابت ہو سکتا ہے۔

محققین کے مطابق عام افراد پر ان نتائج کے اطلاق کے لیے مزید تحقیق ضروری ہے۔