ایچ آئی وی سے بچاؤ کے سستے انجیکشن کی منظوری، ایف ڈی اے

امریکی ایف ڈی اے نے ایچ آئی وی سے بچاؤ کے انجیکشن کے کم قیمت متبادل کی منظوری دے دی ہے۔ لیناکاپاویر نامی انجیکشن سال میں دو مرتبہ لگایا جاتا ہے۔ اس سے 120 کم اور متوسط آمدنی والے ممالک میں ایچ آئی وی سے بچاؤ کی دوا تک رسائی بہتر ہوگی۔

ایسوسی ایٹڈ پریس کے مطابق متعلقہ ممالک میں اس کی متوقع قیمت فی فرد سالانہ 40 ڈالر ہوگی۔ یہ قیمت موجودہ حفاظتی گولیوں کے برابر ہے، تاہم چھ ماہ بعد انجیکشن لگوانا زیادہ آسان ہے۔ زیادہ خطرے والے افراد پر دو اہم سٹڈیز میں اس سے نئے انفیکشن تقریباً ختم ہوگئے۔

ماہرین کے مطابق  کے مطابق روزانہ دوا کی خوراک چھوٹنے سے مرض سے تحفظ متاثر ہوتا ہے۔ انہوں نے لیناکاپاویر سے زیادہ مؤثر بچاؤ کی امید ظاہر کی۔