امریکی ریاست نیویارک کی لوئس کاؤنٹی میں خسرے کی جاری وبا کے دوران ایک بچہ جان کی بازی ہار گیا۔ ریاست میں 30 سال سے زائد عرصے بعد خسرے سے منسلک یہ پہلی معلوم موت ہے۔
رائٹرز کے مطابق ریاستی محکمۂ صحت نے مقامی سطح پر آگاہی اور ویکسینیشن کے لیے وسائل فراہم کیے ہیں۔ گورنر نے اکتوبر میں وبا کے باعث ہنگامی حالت نافذ کی تھی۔ انہوں نے وبا پر قابو پانے کے لیے وفاق سے مدد لینے کا بھی اعلان کیا تھا۔ نیویارک میں محکمہ صحت کے حکام مقامی اداروں کے ساتھ مل کر کیسز کی تحقیقات اور ویکسین نہ لگوانے والوں کی ویکسینیشن کر رہے ہیں۔
رپورٹ کے مطابق امریکا کو کئی دہائیوں میں خسرے کے شدید ترین پھیلاؤ کا سامنا ہے۔
Tags: خسرے کی وبا
