سیسے کی آلودگی سے دنیا بھر مین سالانہ 35 لاکھ سے زائد اموات، ڈبلیو ایچ او

عالمی ادارۂ صحت نے سیسے کی آلودگی روکنے کے لیے مؤثر اقدامات پر زور دیا ہے۔ اس کے مطابق یہ آلودگی دنیا بھر میں سالانہ 35 لاکھ سے زیادہ اموات میں کردار ادا کرتی ہے۔

اے ایف پی کے مطابق تقریباً 81 کروڑ 50 لاکھ بچوں کے خون میں سیسے کی مقدار فی ڈیسی لیٹر کم از کم پانچ مائیکروگرام ہے۔ سیسے کی آلودگی بچوں کے دماغ اور اعصابی نظام کو نقصان پہنچا سکتی ہے۔ بظاہر علامات نہ ہونے کے باوجود سیکھنے اور رویے کے مسائل پیدا ہو سکتے ہیں۔

پینٹ، برتن، کاسمیٹکس، مصالحے اور صنعتی آلودگی جسم میں سیسہ پہنچنے کے ممکنہ ذرائع ہیں۔ ادارے نے مصنوعات اور ماحول سے سیسہ ختم کرنے کے لیے قوانین کے مؤثر نفاذ پر زور دیا ہے۔