بروسکیٹا (Bruschetta)

تیاری کا وقت : 10 منٹ                   پکانے کا وقت : 10 منٹ                                                           سرونگ : 4                                  کیلوریز : 57

اجزائ:

ٹماٹر(چاپ)                         7  سے 8 عدد
لہسن(پسا)                           2 جوئے
پیاز(چاپ)                            1 عدد
تیل                                      1 کھانے کاچمچ
سرکہ                                   1  چائے کا چمچ
تلسی کے پتے(چاپ)              6  سے 8
نمک                                   حسبِ ضرورت
کالی مرچ (تازہ کُٹی ہوئی)      حسبِ ضرورت
فرنچ یا اٹالین بریڈ                  1  عدد

ترکیب:

1 ۔اوون کو 180C ڈگری پرپہلے سے گرم کر لیں۔
2 ۔ ایک پیالے میں چاپ ٹماٹر،لہسن، پیاز، آئل،نمک،کالی مرچ اور سرکہ مکس کریں۔ ساتھ ہی تلسی کے پتے بھی ڈال دیں۔
3 ۔بریڈ اسٹک کو گولائی کے رُخ سے 1/2 انچ کے موٹے ٹکڑوں میں کاٹ لیں۔ ان کے نچلے حصے پرتیل لگا کر انہیں کوکنگ شیٹ پر رکھ دیں۔
4 ۔ اب 5 سے 6 منٹ کے لئے اوون کے اوپر والے ریک پر گولڈن براو ہونے تک بیک کرلیں ۔
5 ۔اب تمام آمیزہ بریڈ پیس کے اوپررکھ کر گرما گرم سرو کریں ۔

غذائیت پہچانئے:

یہ ڈش وٹامن سی سے بھر پور ہے جو ایک بہترےن اینٹی آکسےڈینٹ ہے۔ اس میں شامل کردہ ٹماٹر لائسوپین کا ایک بڑا ذریعہ ہے جو انسانی جسم کو کینسر سے بچاتا ہے۔ ٹماٹر سے حاصل ہونے والی لیوپین جسم میں اینٹی کینسر کے طور پر کام کرتی ہے۔ زیتون کا تیل جس میں دل کے ساتھ مطابقت رکھنے والے فیٹی ایسڈ ہیں ، پٹھوں کو مضبوطی اور قوتِ مدافعت کو بڑھانے کے لئے بہت اہم ہے۔ کانٹےنینٹل کھانے کے طور پہ یہ ڈش سردیوں میں بھی سوپ کے ساتھ سرو کر کے لطف اٹھایا جا سکتا ہے۔ یہ ڈش ہر عمر کے افراد کے لئے مناسب ہے اس کے علاوہ ذیابیطس اوروزن کم کرنے والے افراد بھی اس سے لطف اندوز ہو سکتے ہیں۔ یہ ڈش دہی اور تازہ سلاد کے ساتھ سرو کی جا سکتی ہے۔

ڈاکٹر محمد اسرار‘ ماہرِغذائیات‘ پاکستان سائنس فاﺅنڈیشن‘ اسلام آباد –