لوئر دیر کے ایک گاؤں میں خسرے سے پانچ بچوں کی اموات کے بعد بیماری کا پھیلاؤ روکنے کے لیے ویکسینیشن مہم شروع کر دی گئی۔
روزنامہ ڈان کے مطابق یونین کونسل مسکین کے گاؤں گھوڑہ بانڈہ میں چند روز کے دوران ان اموات کی اطلاعات سامنے آئیں۔ متاثرہ بچے مختلف ہسپتالوں میں زیر علاج ہیں۔
ضلعی انتظامیہ اور محکمہ صحت نے لوئر دیر کے دور دراز پہاڑی گاؤں میں بوسٹر ویکسینیشن مہم شروع کی ہے۔ ڈپٹی کمشنر بشارت احمد نے متاثرہ علاقے میں میڈیکل کیمپ قائم کرنے کی ہدایت بھی دی۔ کیمپ میں ماہر ڈاکٹر، پیرا میڈیکل سٹاف اور ادویات فراہم کی جائیں گی۔ ڈپٹی کمشنر نے تین روز میں بنیادی مرکز صحت قائم کرنے کا بھی حکم دیا۔
Tags: خسرے سے 5 بچوں کی اموات
