پشاور کے عمرہ زائرین کیلئے 15 اکتوبر سے ویکسینیشن لازمی

پشاور سے عمرہ پر جانے والے مسافروں کیلئے 15 اکتوبر سے ویکسینیشن لازمی ہوگی۔ یہ شرط سعودی وزٹ ویزا پر سفر کرنے والے مسافروں پر بھی لاگو ہوگی۔ بارڈر ہیلتھ سروسز کے فوکل پرسن ڈاکٹر سید مرتضیٰ شاہ بخاری کے مطابق 14 اکتوبر تک بغیر ویکسینیشن سفر کی اجازت ہوگی۔

عمرہ زائرین کی سہولت کیلئے سول سرجن آفس پشاور میں ویکسینیشن سینٹر فعال کر دیا گیا ہے۔ یہاں مردوں اور خواتین کیلئے مجموعی طور پر 20 کاؤنٹر قائم کیے گئے ہیں۔ اس اقدام کا مقصد مسافروں کو روانگی سے قبل ویکسینیشن کی سہولت فراہم کرنا ہے۔

مسافروں کو سفر سے کم از کم 10 دن پہلے ویکسینیشن مکمل کرانے کی ہدایت کی گئی ہے۔ سینٹر میں نادرا کے دو سہولت کاؤنٹر بھی قائم کیے جا رہے ہیں۔ ان کاؤنٹرز سے ضروری دستاویزی کارروائی میں مسافروں کو سہولت ملے گی۔