آنکھ سے فاضل مادوں کے اخراج کا نیا راستہ دریافت

سائنس دانوں نے آنکھ کے پچھلے حصے سے مائع اور دیگر فاضل مادوں کے اخراج کا ایک نیا راستہ دریافت کیا ہے۔ اس دریافت سے گلوکوما اور بینائی متاثر کرنے والی دیگر بیماریوں کو سمجھنے میں مدد مل سکتی ہے۔

کینیڈا کی یونیورسٹی آف برٹش کولمبیا اور یونیورسٹی آف ٹورنٹو کے محققین نے چوہوں پر تجربات کیے۔ انہوں نے خصوصی نشان زدہ مائع کی نقل و حرکت کا جائزہ لیا۔ نتائج سے معلوم ہوا کہ مائع آنکھ کے پچھلے حصے سے نکل کر قریبی لمفی غدود تک پہنچتا ہے۔

محققین نے اس راستے کو ’پوسٹیریئر آکیولر لمفیٹک آؤٹ فلو‘ یا ’پولو‘ کا نام دیا۔ لمفی نظام جسم میں مائع کا توازن برقرار رکھنے اور فاضل مادوں کے اخراج میں مدد دیتا ہے۔

تحقیق طبی جریدے ’ٹرانسلیشنل وژن سائنس اینڈ ٹیکنالوجی‘ میں شائع ہوئی۔