ناشتے میں روزانہ سادہ دہی کھانے سے بلڈ شوگر میں معمولی کمی کا امکان سامنے آیا ہے۔ یہ نتائج جاپان کی ایک تحقیق میں سامنے آئے ہیں۔
جریدے ’’جرنل آف نیوٹریشن‘‘ میں شائع تحقیق میں 303 ایسے جاپانی شامل تھے، جنہیں ذیابیطس نہیں تھی۔ انہوں نے 84 دن تک روزانہ ناشتے میں 200 گرام سادہ دہی کھایا۔ مسلسل مانیٹرنگ میں ان کی اوسط بلڈ شوگر تقریباً 4 ملی گرام فی ڈیسی لیٹر کم ہوئی۔ آنتوں کے بعض بیکٹیریا کی تعداد میں بھی تبدیلیاں سامنے آئیں۔
محققین کے مطابق، تحقیق میں دہی نہ کھانے والا تقابلی گروپ شامل نہیں تھا۔ لہٰذا بلڈ شوگر میں کمی کو یقینی طور پر دہی کھانے کا نتیجہ قرار نہیں دیا جاسکتا۔ نتائج کی تصدیق کے لیے مزید تحقیق ضروری ہے۔ ذیابیطس کی ادویات ڈاکٹر کے مشورے کے بغیر بند یا کم نہیں کرنی چاہییں۔
Tags: ناشتا
