ڈی جی ہیلتھ پنجاب کی ہدایت پر راولپنڈی میں تقریباً 2000 ڈینگی ورکرز کی ملازمتیں بحال کردی گئیں۔ ان کے کنٹریکٹ میں مزید 90 دن کی توسیع کی گئی ہے۔ گزشتہ ہفتے معاہدوں کی مدت ختم ہونے پر انہیں فارغ کردیا گیا تھا۔
ایکسپریس ٹریبیون کے مطابق محکمہ صحت نے ڈینگی ورکرز کو 31 اکتوبر سے دوبارہ ڈیوٹی پر آنے کی ہدایت دی۔ تاہم محکمے نے ان کی ملازمتیں مستقل کرنے سے انکار کیا ہے۔
دوسری جانب راولپنڈی اور اسلام آباد میں ڈینگی مریضوں کی مجموعی تعداد 134 ہوگئی ہے۔ راولپنڈی میں 85 اور اسلام آباد میں 49 مریض رپورٹ ہوئے۔ دو مریضوں کی حالت تشویش ناک بتائی گئی ہے۔ محکمہ صحت کے مطابق ڈینگی کا زیادہ خطرہ 15 نومبر تک برقرار رہنے کا امکان ہے۔
Tags: ڈینگی
