اسقاطِ حمل کی دوا کے ممکنہ طبی خطرات، امریکی رپورٹ 2027 میں متوقع

امریکہ میں اسقاطِ حمل کی دوا مائفیپرسٹون کے محفوظ ہونے کی دوبارہ جانچ کا عمل جاری ہے۔ امریکی ایف ڈی اے دسمبر 2026 کے وسط تک تحقیق مکمل کرنے کا ارادہ رکھتی ہے۔ حتمی رپورٹ مارچ 2027 تک جاری ہونے کا امکان ہے۔

ایسوسی ایٹڈ پریس کے مطابق مائفیپرسٹون کو امریکہ میں 2000 میں منظوری ملی تھی۔ ایف ڈی اے پہلے بھی اسے محفوظ اور مؤثر قرار دے چکا ہے، تاہم دوا کے استعمال اور فراہمی سے متعلق خدشات کے باعث اس کا دوبارہ جائزہ لیا جا رہا ہے۔

اس تحقیق میں تقریباً ایک لاکھ خواتین کے میڈیکل ریکارڈ کا تجزیہ کیا جائے گا۔ اس کا مقصد ایسے ممکنہ مضر اثرات کی نشاندہی ہے جو پہلے سامنے نہیں آئے تھے۔