پنجاب میں ہیلتھ انشورنس پروگرام کے پینل میں شامل پرائیویٹ ہسپتالوں کو علاج جاری رکھنے کی ہدایت کردی گئی۔ محکمۂ صحت نے خبردار کیا کہ مریضوں کے علاج میں تعطل پر سخت قانونی کارروائی ہوگی۔
اے پی پی کے مطابق محکمۂ سپیشلائزڈ ہیلتھ کیئر اینڈ میڈیکل ایجوکیشن نے پروگرام کی بندش کی اطلاعات پر متعلقہ حکام سے وضاحت طلب کی۔ پینل میں شامل تمام پرائیویٹ ہسپتالوں سے کہا گیا ہے کہ مریضوں کو طبی سہولتیں بلا تعطل فراہم کریں۔
محکمہ صحت کے ترجمان کا کہنا ہے کہ پنجاب لائف انشورنس کمپنی کو بھی ضروری ہدایات جاری کردی گئی ہیں۔ اس کا مقصد پروگرام کے تحت طبی خدمات کا تسلسل یقینی بنانا ہے۔
