فون سے تصاویر اور سکرین شاٹس لینا یادداشت متاثر کرسکتا ہے، تحقیق

ماہرین کے مطابق فون سے کسی چیز کی تصویر یا سکرین شاٹ لینا اسے یاد رکھنے کی صلاحیت متاثر کر سکتا ہے۔ امریکی تحقیق میں ایسی چیزوں کی تفصیلات شرکا کو بعد میں نسبتاً کم یاد رہیں۔

بنگہیمٹن یونیورسٹی کے محققین نے تجربات میں شرکا کو مختلف فن پارے دکھائے۔ بعض کو صرف دیکھنے، جبکہ بعض کو ان کی تصویر یا سکرین شاٹ لینے کو کہا گیا۔ بعد میں یادداشت جانچنے پر تصویر یا سکرین شاٹ لینے والے شرکا کو تفصیلات نسبتاً کم یاد رہیں۔ سکرین شاٹ لینے کی صورت میں یہ اثر زیادہ نمایاں تھا۔

محققین کے مطابق ممکن ہے معلومات فون میں محفوظ کرنے پر ذہن انہیں یاد رکھنے پر کم توجہ دے۔ تاہم بعد میں محفوظ تصاویر دیکھنے سے معلومات یاد کرنے میں مدد مل سکتی ہے۔ تحقیق میموری اینڈ کاگنیشن میں شائع ہوئی۔