نئی فلو ویکسین روایتی ویکسین سے 27 فیصد زیادہ مؤثر، تحقیق

فلو سے بچاؤ کی نئی ایم آر این اے ویکسین روایتی ویکسین سے تقریباً 27 فیصد زیادہ مؤثر پائی گئی ہے۔ امریکہ میں منظوری کے بعد کینیڈا میں بھی اس کے استعمال کا جائزہ لیا جا رہا ہے۔

رائٹرز کے مطابق موڈرنا کمپنی کی تیار کردہ ویکسین ایم فلوسیوا کی طبی آزمائش میں 50 سال یا زائد عمر کے 40 ہزار افراد شریک ہوئے۔ اسے لینے والوں میں تقریباً 2 فیصد افراد کو فلو ہوا۔ روایتی ویکسین لینے والوں میں یہ شرح 2.8 فیصد رہی۔

ایم آر این اے ٹیکنالوجی کورونا ویکسین میں بھی استعمال ہو چکی ہے۔ اس کی مدد سے فلو وائرس میں تبدیلیوں کے مطابق ویکسین نسبتاً جلد تیار کی جا سکتی ہے۔ ماہرین کے مطابق اس سے فلو کے باعث ہسپتال میں داخلوں کی تعداد کم ہونے کا امکان ہے۔