Vinkmag ad

زیادہ چکنائی والی غذا چھوڑنے کے بعد بھی آنتوں پر اثرات چار ہفتے برقرار، تحقیق

A bowl of meat curry in oily gravy, garnished with green chilies, ginger and cilantro, illustrating a high-fat diet.

ماہرین کے مطابق زیادہ چکنائی والی غذا چھوڑنے کے 4 ہفتے بعد بھی آنتوں کے خلیوں پر اس کے کچھ اثرات باقی رہتے ہیں۔

جریدے سٹیم سیل رپورٹس کے مطابق چوہوں کو 6 ماہ تک زیادہ چکنائی والی غذا دی گئی۔ اس دوران آنتوں کے سٹیم سیلز کی تعداد بڑھی اور ان کی تقسیم تیز ہوئی۔ ان خلیوں میں ڈی این اے کے بعض حصوں کی پیکنگ بھی بدل گئی۔ غذا چھوڑنے کے 4 ہفتے بعد بھی ان حصوں میں سے 18 فیصد میں یہ تبدیلی برقرار تھی۔

خلیوں میں یہ تبدیلیاں بذاتِ خود نقصان کا ثبوت نہیں۔ رسولیوں پر اثر جانچنے کے لیے محققین نے ایک الگ تجربے میں چوہوں کا رسولیوں کی افزائش روکنے والا جین غیرفعال کیا۔ زیادہ چکنائی والی غذا چھوڑنے کے ایک ہفتے بعد بھی ان کی رسولیاں معمول کی غذا والے گروپ سے بڑی تھیں۔ 4 ہفتے بعد دونوں گروپوں میں رسولیوں کا حجم تقریباً یکساں تھا۔

محققین کے مطابق یہ نتائج بڑی آنت کے سرطان کے ممکنہ عوامل سمجھنے میں مدد دے سکتے ہیں۔ انسانوں میں سرطان کے خطرے سے ان اثرات کا تعلق جانچنے کے لیے مزید تحقیق درکار ہے۔

Vinkmag ad

Read Previous

ہفتہ وار تعطیلات میں اضافی نیند سے چلنے کی صلاحیت بہتر، تحقیق

Read Next

ہیلتھ ورکرز کی بین الاقوامی بھرتی، ڈبلیو ایچ او کا ترمیم شدہ کوڈ آف پریکٹس جاری

Leave a Reply

Most Popular