جسم میں چھپی سوزش دل کے لیے نقصان دہ ہو سکتی ہے، تحقیق

برطانیہ میں ہونے والی نئی تحقیق کے مطابق جسم کے اندر طویل عرصے تک رہنے والی سوزش دل کے لیے خطرہ بڑھا سکتی ہے۔ اس کی زیادہ سطح والے افراد میں ہارٹ اٹیک اور فالج کا خطرہ 43 فیصد زیادہ دیکھا گیا۔ دل کی ساخت میں تبدیلیوں کا تعلق بھی اس کے ساتھ سامنے آیا۔

ایم آر سی لیبارٹری آف میڈیکل سائنسز اور امپیریل کالج لندن کی تحقیق میں تقریباً 4 لاکھ 80 ہزار افراد کا ڈیٹا دیکھا گیا۔ محققین نے خون میں سوزش کی سطح جانچی۔ دل کی تصاویر اور دیگر طبی معلومات کا بھی تجزیہ کیا گیا۔

یہ ایسی سوزش ہے جس کی عام طور پر کوئی واضح علامت نظر نہیں آتی۔ اس میں جسم کا مدافعتی نظام طویل عرصے تک ہلکی سطح پر فعال رہتا ہے۔ ذہنی دباؤ، معاشی و سماجی مشکلات، سگریٹ نوشی اور جسم میں اضافی چربی زیادہ سوزش سے وابستہ پائی گئیں۔