وزیر صحت کا میڈیکل سروسز سے متعلق شکایات کے نظام کا جائزہ

وفاقی وزیر صحت مصطفیٰ کمال کی زیرِ صدارت ایک اجلاس میں ہیلتھ کمپلینٹ مینجمنٹ سسٹم کا جائزہ لیا گیا۔ میڈیکل سروسز سے متعلق عوامی شکایات کے اندراج، بروقت ازالے، نگرانی اور پیروی بہتر بنانے پر تفصیل سے غور کیا گیا۔

اے پی پی کے مطابق وزیر صحت کو انتظامی مشکلات اور آئندہ اقدامات پر بریفنگ دی گئی۔ انہوں نے عوامی شکایات فوری حل کرنے اور شفافیت و جواب دہی پر زور دیا۔

مصطفیٰ کمال نے کہا کہ شکایات کے ازالے کا مؤثر نظام عوام کا اعتماد بڑھانے کے لیے ضروری ہے۔ اس سے میڈیکل سروسز کا معیار بہتر بنانے میں مدد ملے گی۔