بزرگ افراد کی تعداد میں اضافہ، صحت کی محدود سہولیات ایک بڑا چیلنج

پاکستان میں بزرگ افراد کی تعداد آئندہ 25 سال میں ڈھائی گنا سے زیادہ بڑھ سکتی ہے۔ ماہرین کے مطابق اس تبدیلی سے صحت، نگہداشت اور سماجی تحفظ کی ضروریات میں نمایاں اضافہ ہوگا۔

نیشنل انسٹی ٹیوٹ آف پاپولیشن سٹڈیز کی رپورٹ کے مطابق 2023 میں 65 سال یا اس سے زائد عمر کے افراد کی تعداد 86 لاکھ تھی۔ 2050 تک یہ بڑھ کر 2 کروڑ 26 لاکھ ہونے کا امکان ہے۔

ماہرین کے مطابق بڑھتی بزرگ آبادی کے لیے طبی سہولیات ضروری ہوں گی۔ تربیت یافتہ عملے کی ضرورت بھی بڑھے گی۔ سماجی تحفظ میں ابھی سے سرمایہ کاری بھی ضروری ہے۔ گھر پر نگہداشت اور صحت کی خدمات کی طلب بھی بڑھ سکتی ہے۔

پاکستان اکنامک سروے 2025-26 کے مطابق جولائی سے مارچ تک 3 لاکھ 22 ہزار 751 افراد اولڈ ایج پنشن حاصل کر رہے تھے۔ اس عرصے میں 31.54 ارب روپے پنشن کی مد میں تقسیم کیے گئے۔