امریکہ میں بچوں کی ویکسین سفارشات میں تاریخی تبدیلی

امریکہ میں بچوں کی ویکسین سفارشات میں غیر معمولی تبدیلی کی گئی ہے۔ تفصیلات کے مطابق سی ڈی سی نے معمول کی ویکسینز کی تعداد 17 سے کم کرکے 11 کر دی ہے۔ نئے شیڈول کے مطابق کچھ ویکسینز صرف زیادہ خطرے والے بچوں یا ڈاکٹر سے مشاورت کے بعد دی جائیں گی۔ ان میں روٹا وائرس، ہیپاٹائٹس اے اور بی، میننجائٹس اور موسمی فلو شامل ہیں۔ اس عمل کو "مشترکہ فیصلہ سازی” کہا گیا ہے، جس میں والدین اور طبی ماہرین، دونوں شریک ہوں گے۔

حکام کے مطابق تمام ویکسینز بدستور مفت اور انشورنس کے تحت دستیاب رہیں گی۔ ان کا کہنا ہے کہ یہ اقدام عوامی اعتماد بڑھانے کے لیے کیا گیا ہے۔ بعض ماہرین کے مطابق عوامی مشاورت کے بغیر ویکسین سفارشات کا فیصلہ بچوں کیلئے خطرات پیدا کر سکتا ہے۔