الرجن کے خطرے پر امریکہ میں ہمس کی مصنوعات واپس

امریکی ایف ڈی اے نے غیر ظاہر شدہ الرجن کے خطرے کے سبب ہمس (Hummus) کی متعدد مصنوعات واپس منگوانے کا اعلان کیا ہے۔ ایف ڈی اے کے مطابق یہ کلاس 2 ری کال ہے کیونکہ تل ایک بڑا غذائی الرجن ہے۔ اسے لیبل پر ظاہر نہ کرنے سے اس الرجی کے شکار افراد کو نقصان پہنچ سکتا ہے۔ ری کال کی اس قسم سے مراد یہ ہے کہ مصنوعات استعمال کرنے سے صحت کے عارضی مسائل پیدا ہو سکتے ہیں۔ صارفین کو ہدایت کی گئی ہے کہ متعلقہ مصنوعات استعمال نہ کریں۔

ماہرین کے مطابق تل سے الرجی چند منٹ سے دو گھنٹوں میں ظاہر ہو سکتی ہے۔ اس کی علامات میں خارش، سانس کی دشواری اور بلڈ پریشر میں کمی شامل ہیں۔ شدید صورتوں میں جان لیوا اینافائیلیکسز بھی پیدا ہو سکتا ہے۔ اس لیے اس الرجن کے خطرے سے دوچار صارفین کو محتاط رہنے کی ہدایت کی گئی ہے۔