کینیڈا کے ماہرین کے مطابق الٹرا پروسیسڈ غذاؤں کا زیادہ استعمال دل کی بیماریوں کے بڑھتے حجم سے منسلک ہے۔ ان غذاؤں کا استعمال کم کرنے سے اس بیماری سے ہونے والی اموات میں کمی کے امکانات ہیں۔
یہ نتائج امریکن جرنل آف پریونٹیو میڈیسن میں شائع ہونے والی ایک ماڈلنگ تحقیق میں سامنے آئے، جس میں کینیڈا کے قومی اعداد و شمار کا تجزیہ کیا گیا۔ محققین نے تخمینہ لگایا کہ دل کی بیماری کے 23 سے 37 فیصد کیسز اور اس سے ہونے والی 23 سے 38 فیصد اموات کا تعلق الٹرا پروسیسڈ غذاؤں کے زیادہ استعمال سے ہو سکتا ہے۔ ان غذاؤں میں فاسٹ فوڈ، میٹھے مشروبات، پیک شدہ اسنیکس اور دیگر انتہائی پراسیسڈ مصنوعات شامل ہیں۔
محققین کے مطابق یہ غذائیں کم کھانے اور مؤثر غذائی پالیسیوں سے دل کی بیماریاں کم ہو سکتی ہے۔ تاہم ماہرین نے واضح کیا کہ یہ نتائج ماڈلنگ پر مبنی تخمینے ہیں۔ اس لیے اس ممکنہ تعلق اور ممکنہ فوائد کی تصدیق کے لیے مزید مضبوط سائنسی تحقیق درکار ہے۔
