موسم گرما،حفاظتی ٹِپس

٭گرمیوں کے موسم میں مکھیوں، مچھروں اور دیگر کیڑے مکوڑوں کی بہتات ہوجاتی ہے جن میں سے کچھ کاٹتے بھی ہیں۔ ان سے بچنے کے لئے لوشن، سپرے یا کریم لگا کرہی باہرجانا بہتر ہے۔

٭اس موسم میں مچھروں کی کچھ اقسام ڈینگی اورملیریا پھیلاتے ہیں۔ یوں تو یہ دن کے کسی بھی حصے میں کاٹ سکتے ہیں مگر یہ زیادہ متحرک طلوع آفتاب اور غروب آفتاب کے وقت ہوتے ہیں لہٰذا اس دوران زیادہ احتیاط کریں۔

٭گھر سے باہر پورے کپڑے پہنیں تاکہ جسم کا کوئی حصہ واضح نہ ہو۔ پاؤں کو چھپانے کے لئے بند جوتے یا جرابیں پہنی جا سکتی ہیں۔

٭ہلکے وزن کا لباس پہنیں۔ ایسا لباس جس سے ہوا کا گزر باآسانی ہو سکے اور پسینہ بھی بخارات بن کر اڑ سکے۔

٭جسم میں پانی اور نمکیات کی مقدارکا توازن برقرار رکھنے کے لئے اپنی پیاس کے مطابق مشروبات خصوصاً پانی پیتے رہیں۔ کھیرے کا جوس یا ناریل کا پانی اس معاملے میں مفید ثابت ہوسکتا ہے۔

٭آغاز صبح اور شام ڈھلتے وقت درجہ حرارت نسبتاً کم ہوتا ہے۔ اس لئے جو لوگ باہر ورزش کرنا پسند کرتے ہیں وہ ان اوقات کا انتخاب کریں۔ گھر کے اندر اس کے لئے کسی ایسی جگہ کا انتخاب کریں جہاں درجہ حرارت کم ہو تاکہ ورزش کے دوران آپ کو دقت نہ ہو۔

٭تلی ہوئی اشیاء اورکیفین کے حامل مشروبات کم سے کم استعمال کریں ۔ان کے بجائے تازہ مشروبات، تازہ کھانے، کچی سبزیاں اور پھل کھائیں۔

٭باہر کے کھانوں سے ہرممکن حد تک پرہیزکریں کیونکہ اس موسم میں ان کے جلدی خراب ہونے کا خطرہ ہوتا ہے۔ گھرمیں بھی کھانا ٹھنڈا کرنے کے لئے فریج میں رکھیں۔

٭باہرنکلنے سے آدھا گھنٹہ پہلے سن بلاک لگا لیں۔

٭باہرجاتے ہوئے سر پرٹوپی یا کپڑا رکھیں تاکہ دھوپ براہ راست سر پرنہ پڑے۔ اپنے ساتھ ایک پانی کی بوتل رکھنا بھی اچھا ہے اورہر 20 سے 30 منٹ بعد پانی پیتے رہیں۔

٭ہاتھوں اورچہرے کی جلد کی تازگی کے لئے عرق گلاب یا پیپرمنٹ آئل سے بنا سپرے ساتھ رکھیں۔

٭ایسے سوئمنگ پولزمیں نہانے یا تیراکی سے گریزکریں جن کی صفائی کا خیال نہ رکھا جاتا ہو۔

 garmi k mausam mai beemariyon say bachao ki hidayat, Tips to prevent summer diseases, light dresses, avoid swimming

Vinkmag ad

Read Previous

کوئی زہر نگل لے تو کیا کریں

Read Next

توجہ بٹنا اور پھرتیلا پن

Leave a Reply

Most Popular