ماسکیٹو ٹوائلٹ ڈیوائس سے وائرس کی شناخت ممکن

امریکی سائنس دانوں نے مچھروں میں موجود وائرس کا پتا لگانے کے لیے ’’ماسکیٹو ٹوائلٹ‘‘ نامی آلہ تیار کیا ہے۔

یورو نیوز کے مطابق رٹگرز یونیورسٹی کی ٹیم کا تیار کردہ یہ آلہ مچھروں کے فضلے کے قطرے جمع کرتا ہے۔ ان کی جانچ سے وائرس کی شناخت کی جاتی ہے، جبکہ روایتی طریقے میں مچھروں کو پیسنا پڑتا ہے۔

محققین نے ماسکیٹو ٹوائلٹ ڈیوائس سے ویسٹ نائل وائرس کا مکمل جینیاتی نقشہ حاصل کیا۔ بعض دیگر وائرسوں کے شواہد بھی ملے۔ نتائج سائنسی جریدے مائیکرو بیالوجی سپیکٹرم میں شائع ہوئے۔

یہ طریقہ بیماریوں کے ممکنہ خطرات کی بروقت نشاندہی میں مدد دے سکتا ہے، تاہم اس پر مزید تحقیق ضروری ہے۔