مکسڈنٹ بالز

اجزاء

بادام(پسے ہوئے)        1/4  کپ
ناریل(پساہوا)              1/4کپ
اخروٹ(پسےہوئے)     1/4کپ
چیڈر چیز                   1کپ
سوکھا دودھ                5 چائے کے چمچ
انڈا                            1 عدد
ادرک(پسی ہوئی)         1  کھانے کا چمچ
پیاز(چاپ)                  1 عدد
سرخ مرچ(کٹی ہوئی)   1 عدد
ہری مرچ(کٹی ہوئی)    1عدد
کالی مرچ(پاؤڈر)         1  چائے کا چمچ
نمک                         حسبِ ضرورت
ڈبل روٹی کا چورا       1 کپ

ترکیب

٭ڈبل روٹی کے چورے میں بادام،اخروٹ،کھوپرا اور چیز ملائیں۔

٭ایک پیالے میں انڈا پھینٹ لیں اور اس میں سوکھا دودھ،پیاز،ادرک،ہری مرچ ا ور لال مرچ ملائیں۔

٭اب دونوں آمیزوں کو آپس میں ملائیں اور ان میں نمک اور پسی ہوئی کالی مرچ شامل کردیں۔

٭اگر مکسچر بہت زیادہ خشک ہو تو اس میں تھوڑا سا دودھ بھی شامل کیا جا سکتا ہے۔

٭اب اس کے تقریباً1انچ کے چھوٹے چھوٹے بالز بنالیں۔

٭ان بالز کو ایسی بیکنگ شیٹ پر رکھیں جسے اچھی طرح چکنا کیا گیا ہو۔

٭بالز کو اوون میں180سینٹی گریڈ پر20سے25منٹ تک بیک کرلیں اور گولڈن براؤن ہونے پر نکال لیں۔

غذائیت پہچانئے

کاربوہائیڈریٹس ، پروٹین،فیٹی ایسڈ،اومیگا 3،وٹامن ای،وٹامن سی،وٹامن کے،زنک اور پوٹاشیم سے بھرپور یہ ڈش ہر عمر کے افراد کے لئے بالعموم اور بچوں کے لئے بالخصوص بہترین ہے ‘ اس لئے کہ ان کی غذائی ضروریات بڑوں کی نسبت زیادہ ہوتی ہیں۔ خشک میوہ جات میں پائی جانے والی پروٹین اور غیر سیرشدہ چکنائیاں جسم کو فعال رکھنے میں مددگار ثابت ہوتی ہیں۔

mixed nut balls, recipe, ingredients, directions, nutritional value