خیبر پختونخوا میں ایک ہفتے کے دوران ڈینگی کے 35 نئے کیسز رپورٹ

خیبر پختونخوا میں گزشتہ ایک ہفتے کے دوران ڈینگی کے 35 نئے کیسز سامنے آئے ہیں۔ محکمۂ صحت کے مطابق رواں سال صوبے میں ڈینگی کے مجموعی کیسز کی تعداد 250 ہو گئی ہے۔

محکمۂ صحت کے مطابق رواں سال ڈینگی سے کوئی موت رپورٹ نہیں ہوئی۔ پشاور سب سے زیادہ متاثرہ ضلع رہا، جہاں 134 کیسز کی تصدیق ہو چکی ہے۔

انسدادِ ڈینگی مہم کے دوران مختلف اضلاع میں گھروں، پانی کے کنٹینرز اور دیگر مقامات کا معائنہ کیا گیا، اور لاروا تلف کیا گیا۔ 

محکمۂ صحت نے شہریوں سے اپیل کی ہے کہ وہ گھروں اور اردگرد پانی جمع نہ ہونے دیں۔ ماہرین کے مطابق احتیاطی تدابیر سے ڈینگی کے پھیلاؤ کو مؤثر انداز میں روکا جا سکتا ہے۔