ہفتے میں پانچ انڈے کھانے والوں میں جسمانی چربی کم، تحقیق

ایک نئی تحقیق میں ہفتے میں پانچ یا اس سے زیادہ انڈے کھانے والے نوجوانوں میں وزن اور جسمانی چربی کم پائی گئی ہے۔

کلینیکل نیوٹریشن میں شائع تحقیق میں سپین کی ایک سرکاری یونیورسٹی کے 18 سے 30 سال عمر کے 355 طلبہ شامل تھے۔ محققین نے ان کے انڈے کھانے کی عادت، وزن اور جسمانی چربی کا جائزہ لیا۔

نتائج کے مطابق ہفتے میں پانچ یا زیادہ انڈے کھانے والوں کا باڈی ماس انڈیکس کم تھا۔ ان افراد میں کمر اور قد کا تناسب بھی بہتر پایا گیا۔ ان کی جسمانی چربی بھی کم تھی۔

تحقیق میں مجموعی پروٹین کی مقدار کو بھی اہم قرار دیا گیا۔ محققین کے مطابق پروٹین ان نتائج میں کردار ادا کرسکتا ہے۔