Vinkmag ad

بلڈ ٹیسٹ سے اووری کے کینسر کی پیشگی نشاندہی کا امکان

A medical illustration of the female reproductive system highlighting a suspected ovarian tumor, alongside a gloved hand holding a blood sample tube, symbolizing blood testing for early detection of ovarian cancer.

اووری کے کینسر کی تشخیص بالعموم بیماری پھیلنے کے بعد ہوتی ہے۔ سائنس دانوں نے خون میں ایسا مالیکیول دریافت کیا ہے جو اس کینسر سے پہلے کی تبدیلیوں کی نشاندہی کرسکتا ہے۔ ان کے مطابق، یہ بلڈ ٹیسٹ مستقبل میں احتیاطی سرجری سے متعلق فیصلوں میں بہتر مدد دے سکے گا۔

رائٹرز کے مطابق، نیچر میڈیسن میں شائع تحقیق میں 506 افراد کے نمونوں کا جائزہ لیا گیا۔ ٹیسٹ نے اووری کے کینسر سے پہلے کی تبدیلیوں والی 92.3 فیصد خواتین کی نشاندہی کی۔ صحت مند خواتین کے بلڈ ٹیسٹ میں 98.2 فیصد نتائج درست منفی آئے۔

تحقیق کے مطابق، ان تبدیلیوں کی موجودگی میں خون میں ٹی یو سٹروما نامی آر این اے مالیکیول کی سطح بڑھ جاتی ہے۔ یہ تبدیلیاں فیلوپین ٹیوبز میں ہوتی ہیں، جنہیں ایس ٹی آئی سی کہا جاتا ہے۔

موروثی طور پر زیادہ خطرے والی خواتین کے لیے شماریاتی تخمینوں میں مثبت نتائج کی درستگی تقریباً 72 فیصد رہی۔ منفی نتائج کی متوقع درستگی تقریباً 100 فیصد تھی۔ تاہم، ٹیسٹ ابھی تحقیق کے مرحلے میں ہے۔ اس کی عملی افادیت جانچنے کے لیے مزید سٹڈیز درکار ہیں۔

Vinkmag ad

Read Previous

خیبر پختونخوا میں 200 سے زائد سرکاری طبی مراکز غیر فعال

Read Next

اے آئی کی مدد سے نابینا افراد کی بینائی بحال کرنے کی کوشش میں پیش رفت

Leave a Reply

Most Popular