پاکستان کے ویکسینیشن پروگرام (ای پی آئی) کیلئے ڈبلیو ایچ او نے 20 فور وہیل ڈرائیو گاڑیاں فراہم کی ہیں۔ یہ گاڑیاں ان 20 ترجیحی اضلاع میں استعمال ہوں گی جہاں بچوں کی ویکسینیشن بالکل نہیں ہوئی۔ اس اقدام کا مقصد ویکسینیشن مہم کو مؤثر بنانا اور ہر بچے تک حفاظتی ویکسین پہنچانا ہے۔
سندھ، پنجاب، خیبر پختونخوا اور بلوچستان کو تین تین گاڑیاں دی جائیں گی۔ آزاد کشمیر، گلگت بلتستان اور وفاقی سطح پر دو دو گاڑیاں فراہم کی جائیں گی۔ سی ڈی اے اور اسلام آباد کیپیٹل ٹیریٹری کو ایک ایک گاڑی دی جائے گی۔
وفاقی وزیر صحت سید مصطفیٰ کمال نے کہا کہ حکومت پرہیز کے پہلو پر خاص توجہ دے رہی ہے۔ انہوں نے بتایا کہ ہسپتالوں میں مریضوں کا دباؤ بڑھ رہا ہے۔ ویکسینیشن مہم اس دباؤ کو کم کرنے میں مدد دے گی۔
ڈبلیو ایچ او کے نمائندے ڈاکٹر لوو ڈاپینگ نے بھی اس موقع پر خطاب کیا۔ انہوں نے کہا کہ گاڑیاں نگرانی اور لاجسٹک مسائل حل کرنے میں معاون ثابت ہوں گی۔ ڈائریکٹر جنرل ای پی آئی کے مطابق یہ اقدام مشکل علاقوں میں ویکسین کی بروقت فراہمی کو یقینی بنائے گا۔
