امریکہ میں 2024 میں لوگوں کی متوقع عمر بڑھ کر 79 سال ہو گئی۔ گزشتہ سال کے مقابلے میں یہ چھ ماہ زیادہ، اور ریکارڈ اضافہ ہے۔ مردوں اور خواتین، دونوں کی متوقع عمر میں اضافہ ہوا ہے۔ تمام نسلوں اور ہسپانوی آبادی میں بھی بہتری دیکھی گئی۔ سی ڈی سی کے مطابق یہ بہتری کووڈ-19 اور منشیات کے زیادہ استعمال سے اموات میں کمی کی وجہ سے ممکن ہوئی۔ اس سے قبل سب سے زیادہ متوقع عمر 2014 میں 78.9 سال تھی۔ کووڈ- 19 وبا کی وجہ سے 2021 میں یہ 76.1 سال تک آگئی۔
2024 میں کووڈ- 19 سے اموات 37 فیصد کم ہوئیں۔ بیماری سے اموات 10ویں نمبر سے گر کر 15ویں نمبر پر آگئیں۔ اس کی جگہ خودکشیوں نے لے لی ہے۔ منشیات کی زائد مقدار سے اموات 26 فیصد کم ہوئیں۔ سب سے زیادہ کمی نوجوانوں میں دیکھی گئی۔ دل کی بیماری اموات کی سب سے بڑی وجہ رہی۔ اس کے بعد کینسر اور چوٹیں شامل ہیں۔ اموات کی 10 بڑی وجوہات مجموعی اموات کے 70 فیصد سے زیادہ ہیں۔
