تپ دق (Tuberculosis) یا ٹی بی (TB) بیکٹیریا سے پھیلنے والی ایک متعدی بیماری ہے۔ بنیادی طور پر یہ پھیپھڑوں کو متاثر کرتی ہے، اور متاثرہ شخص کے کھانسنے، چھینکنے یا بات کرنے سے پھیلتی ہے۔ اس عمل سے جراثیم کے حامل باریک قطرے ہوا میں شامل ہو جاتے ہیں، جنہیں دوسرا شخص سانس کے ذریعے اندر لے سکتا ہے۔
ٹی بی زیادہ تر ان جگہوں پر پھیلتی ہے جہاں لوگ پرہجوم، بند یا تنگ ماحول میں رہتے ہیں۔ کمزور مدافعتی نظام رکھنے والے افراد، خصوصاً ایچ آئی وی/ایڈز کے مریض، زیادہ خطرے میں ہوتے ہیں۔
علامات
جب ٹی بی کے جراثیم پھیپھڑوں میں بڑھنے لگتے ہیں تو اسے ٹی بی انفیکشن کہا جاتا ہے۔ یہ مختلف مراحل میں ظاہر ہوتا ہے۔
ابتدائی انفیکشن
اس مرحلے میں مدافعتی نظام جراثیم کو ختم کرنے کی کوشش کرتا ہے، لیکن کچھ جراثیم زندہ رہ سکتے ہیں۔ اکثر افراد میں علامات ظاہر نہیں ہوتیں، تاہم کچھ میں فلو جیسی علامات ہو سکتی ہیں
٭ ہلکا بخار
٭ تھکن
٭ کھانسی
خاموش ٹی بی انفیکشن
اس مرحلے میں مدافعتی نظام جراثیم کو ایک جگہ محدود کر دیتا ہے۔ جراثیم موجود رہتے ہیں لیکن نقصان نہیں کرتے اور علامات ظاہر نہیں ہوتیں
فعال ٹی بی بیماری
جب مدافعتی نظام جراثیم کو قابو نہ کر سکے تو بیماری فعال ہو جاتی ہے۔ یہ پھیپھڑوں یا جسم کے دیگر حصوں میں پھیل سکتی ہے۔ علامات آہستہ آہستہ بڑھتی ہیں
٭ مسلسل کھانسی
٭ بلغم یا خون آنا
٭ سینے میں درد
٭ سانس لینے میں درد
٭ بخار
٭ کپکپی
٭ رات کو پسینہ
٭ وزن میں کمی
٭ بھوک کی کمی
٭ شدید تھکن
٭ عمومی کمزوری
پھیپھڑوں سے باہر ٹی بی
یہ انفیکشن جسم کے دوسرے حصوں تک بھی پھیل سکتا ہے۔ علامات متاثرہ عضو کے مطابق مختلف ہوتی ہیں اور ان میں شامل ہیں
٭ بخار
٭ کپکپی
٭ رات کے وقت پسینہ آنا
٭ وزن میں کمی
٭ بھوک کی کمی
٭ تھکن
٭ متاثرہ جگہ پر درد
متاثرہ اعضاء
٭ گردے
٭ جگر
٭ دماغ اور ریڑھ کی ہڈی کے گرد سیال مادہ
٭ دل کے عضلات
٭ تولیدی اعضا
٭ لمف نوڈز
٭ ہڈیاں اور جوڑ
٭ جلد
٭ خون کی نالیاں
٭ ساؤنڈ باکس
بچوں اور نوجوانوں میں علامات
٭ نوجوانوں میں علامات بالغوں جیسی ہوتی ہیں
٭ 1 سے 12 سال کے بچوں میں مسلسل بخار اور وزن میں کمی
٭ شیرخوار بچوں میں نشوونما رک جانا، سستی، چڑچڑاپن، کمزور خوراک، قے اور سر کی سوجن شامل ہو سکتی ہے
وجوہات
٭ ٹی بی کا سبب مائیکوبیکٹیریم ٹیوبرکلوسس نامی بیکٹیریا ہیں
٭ فعال مریض کھانسی، بات یا چھینک کے ذریعے جراثیم پھیلاتے ہیں، بند جگہوں میں بیماری زیادہ تیزی سے پھیلتی ہے
٭ خاموش ٹی بی دوسروں کو منتقل نہیں ہوتی، جبکہ علاج کے چند ہفتوں بعد فعال ٹی بی بھی عموماً غیر متعدی ہو جاتی ہے
دوا سے مزاحم ٹی بی
کچھ بیکٹیریا وقت کے ساتھ ادویات کے خلاف مزاحمت پیدا کر لیتے ہیں۔ یہ جینیاتی تبدیلیوں اور غلط یا نامکمل علاج کی وجہ سے ہوتا ہے۔
وجوہات
٭ ادویات کا غلط استعمال یا وقت پر نہ لینا
٭ غلط علاجی منصوبہ
٭ ادویات کی عدم دستیابی
٭ خراب معیار کی دوائیں
٭ جسم میں ادویات کا درست جذب نہ ہونا
خطرے کے عوامل
ٹی بی کسی کو بھی ہو سکتی ہے، لیکن کچھ عوامل خطرہ بڑھاتے ہیں
انفیکشن کا خطرہ
٭ متاثرہ شخص کے ساتھ رہنا
٭ زیادہ متاثرہ ممالک کا سفر یا رہائش
٭ جیل، ہاسٹل یا پناہ گاہوں میں رہنا
٭ زیادہ خطرے والی کمیونٹی میں رہنا
٭ صحت کے شعبے میں کام کرنا
فعال بیماری کا خطرہ
٭ ایچ آئی وی/ایڈز
٭ ذیابیطس
٭ گردوں کی شدید بیماری
٭ کینسر
٭ کمزور غذائیت
٭ کیموتھراپی
٭ ٹرانسپلانٹ ادویات
٭ طویل عرصے تک سٹیرائڈ استعمال کرنا
٭ نشہ آور ادویات
٭ شراب نوشی
٭ تمباکو نوشی
عمر کا اثر
٭ 5 سال سے کم عمر میں خطرہ زیادہ ہوتا ہے، خاص طور پر دماغی پیچیدگیاں
٭ 15 سے 25 سال میں پھیپھڑوں کی شدید بیماری کا امکان زیادہ ہوتا ہے
٭ 65 سال سے زائد عمر میں مدافعتی نظام کمزور ہونے سے خطرہ بڑھ جاتا ہے
ڈاکٹر سے کب رجوع کریں
اگر علامات چند دن میں بہتر نہ ہوں تو ڈاکٹر سے رابطہ کریں
فوری توجہ طلب علامات
٭ سینے میں درد
٭ شدید سر درد
٭ ذہنی الجھن
٭ دورے
٭ سانس لینے میں مشکل
فوری علاج کی ضرورت
ان صورتوں میں بلاتاخیر علاج کی ضرورت ہوتی ہے:
٭ خون والی کھانسی
٭ پیشاب یا پاخانے میں خون
تشخیص
ڈاکٹر ان مقاصد کیلئے معائنہ کرتا ہے
٭ سانس کی جانچ
٭ لمف نوڈز کی جانچ
٭ علامات کی تفصیل
ٹیسٹ
٭ سکن ٹیسٹ
٭ خون کا ٹیسٹ
٭ ایکس رے
٭ بلغم کا ٹیسٹ
٭ دیگر لیبارٹری ٹیسٹ
علاج
خاموش یا فعال ٹی بی کا علاج کئی مہینوں پر مشتمل ہو سکتا ہے۔ ادویات کا مکمل کورس ضروری ہے تاکہ بیکٹیریا مکمل طور پر ختم ہو جائیں۔ ادویات کے استعمال سے کچھ سائیڈ ایفیکٹس بھی ہو سکتے ہیں۔ اگر مندرجہ ذیل علامات ظاہر ہوں تو ڈاکٹر سے رابطہ کریں:
٭ متلی
٭ قے
٭ بھوک میں کمی
٭ شدید اسہال
٭ ہلکے رنگ کا پاخانہ
٭ گہرا پیشاب
٭ جلد یا آنکھوں کا پیلا پن
٭ نظر میں تبدیلی
٭ چکر یا توازن میں خرابی
٭ ہاتھ پاؤں میں جھنجھناہٹ
٭ آسانی سے نیل پڑنا یا خون آنا
٭ غیر واضح وزن میں کمی
٭ شدید تھکن
٭ خارش
٭ جوڑوں کا درد
علاج کے دوران استعمال ہونے والی تمام ادویات اور سپلیمنٹس ڈاکٹر کو ضرور بتائیں
بچاؤ کی تدابیر
خاموش انفیکشن کی صورت میں ادویات بیماری کو فعال ہونے سے روک سکتی ہیں
بیماری کے پھیلاؤ کی روک تھام
٭ گھر پر رہیں
٭ دوسروں سے الگ کمرہ استعمال کریں
٭ کمرے کو ہوا دار رکھیں
٭ ماسک پہنیں
٭ کھانسی یا چھینک کو ڈھانپیں
٭ استعمال شدہ ٹشو فوری ضائع کریں
٭ کچھ ممالک میں بچوں کو بی سی جی ویکسین دی جاتی ہے تاکہ شدید ٹی بی سے بچاؤ ہو سکے
نوٹ: یہ مضمون صرف قارئین کی معلومات کے لیے شائع کیا گیا ہے۔ صحت سے متعلق امور میں ہمیشہ اپنے معالج کے مشورے پر عمل کریں۔
