بدہضمی کو دور کرنے کے لئے مختلف قسم کے گھریلو ٹوٹکے اپنائے جاتے ہیں۔ انہی کو مدنظر رکھتے ہوئے ایک عام خیال ہے کہ تمباکونوشی اور کولامشروبات بد ہضمی دور کرنے میں مدد دیتے ہیں۔
اس کی حقیقت بیان کرتے ہوئے سرجی میڈ ہسپتال کے ماہر امراض معدہ و جگر ڈاکٹر افضل بھٹی کہتے ہیں کہ تمباکونوشی اور کولا مشروبات کے استعمال سے نظام انہضام میں خوراک کے حرکت کرنے اور جسم سے خارج ہونے کا عمل تیز ہو جاتا ہے۔ تاہم چونکہ یہ دونوں صحت کے لئے نقصان دہ ہیں لہٰذا ان سے پرہیز کریں۔
ان کے بجائے کھانے سے پہلے پانی پینا ، اس کے بعد سبز چائے پینا، مکمل طورپر پکا ہوا کھانا کھانا اور اس کے بعد واک کرنا کھانے کو بہترطور پر ہضم ہونے میں مدد دے سکتا ہے۔
food myths, cold drinks and smoking help in digestion, myths versus reality, health, shifa news
