اسلام آباد کے صحافی صحت سہولت کارڈ کے تحت 15 پرائیویٹ ہسپتالوں میں مفت علاج کرا سکیں گے۔ صحت سہولت کارڈ کی بحالی کا اعلان وفاقی وزیر صحت مصطفیٰ کمال نے نیشنل پریس کلب میں کیا۔
اے پی پی کے مطابق وزیر صحت نے پمز اور پولی کلینک میں رابطہ افسر مقرر کرنے کا بھی اعلان کیا۔ یہ افسر ان ہسپتالوں میں صحافیوں کی رہنمائی کریں گے۔ دونوں ہسپتالوں میں علاج کی سہولیات بھی بہتر بنائی جا رہی ہیں۔
وزیر صحت نے کہا کہ صحت سہولت پروگرام کے سربراہ اور متعلقہ اداروں کے نمائندے نیشنل پریس کلب جائیں گے۔ وہ صحافیوں کو کارڈ کے ذریعے مفت علاج کرانے کا طریقہ بتائیں گے۔
Tags: صحت سہولت کارڈ پریس