پاکستان انجینئرنگ کونسل (پی ای سی) نے ملک میں جدید ڈیجیٹل نظام متعارف کروا دیا ہے۔ نیا سٹرکچرل ہیلتھ اسیسمنٹ (ایس ایچ اے) سسٹم موسمیاتی چیلنجز سے نمٹنے کے لیے بنایا گیا ہے۔ یہ پبلک انفراسٹرکچر کی مضبوطی میں بھی مدد دے گا۔
ماہرین کے مطابق سسٹم انجینئروں کو سکولوں، ہسپتالوں اور دیگر اہم انفراسٹرکچرز کی جانچ میں معاونت فراہم کرے گا۔ وہ انفراسٹرکچر خاص طور پر محفوظ رہیں گے جو قدرتی آفات اور موسمیاتی چیلنجز سے متاثر ہونے کے زیادہ امکانات رکھتے ہیں۔ ایس ایچ اے ڈیٹا پر مبنی فیصلے کرنے کی سہولت بھی فراہم کرے گا۔
سٹرکچرل ہیلتھ اسیسمنٹ کے قومی سطح پر نفاذ کے لیے پی ای سی، این ڈی آر ایم ایف اور کے این کے جاپان–پاکستان نے مفاہمتی یادداشت پر دستخط کیے۔ منصوبے کی فنڈنگ جرمن وزارت برائے اقتصادی تعاون و ترقی نے کی ہے۔ اسے جی آئی زی جی ایم بی ایچ کی معاونت بھی حاصل ہے۔
