اوپن اے آئی نے صحت پر بات چیت کیلئے الگ پلیٹ فارم چیٹ جی پی ٹی ہیلتھ متعارف کرا دیا ہے۔ کمپنی کے مطابق ہر ہفتے 230 ملین سے زیادہ لوگ اس پلیٹ فارم پر طبی سوالات کرتے ہیں۔ یہ اے آئی کی بڑھتی ہوئی اہمیت کو ظاہر کرتا ہے۔
کمپنی کے مطابق اس پلیٹ فارم پر گفتگو عام چیٹس سے الگ رکھی جائے گی۔ اس کا مقصد حساس معلومات کو محفوظ اور صارف کا فوکس برقرار رکھنا ہے۔ اگر صارف صحت پر کہیں اور بات کرے گا تو سسٹم اسے خود بخود چیٹ جی پی ٹی ہیلتھ میں منتقل کر دے گا۔ توقع ہے کہ نیا فیچر آئندہ چند ہفتوں میں صارفین کے لیے دستیاب ہو گا۔
ماہرین صحت کے مطابق یہ پلیٹ فارم ڈاکٹروں کی جگہ نہیں لے سکتا۔ اوپن اے آئی نے واضح کیا ہے کہ بعض اوقات اس کی معلومات غلط بھی ہو سکتی ہیں۔
Tags: چیٹ جی پی ٹی ہیلتھ
