پاکستان میں کلینیکل ٹرائلز کے فروغ کے لیے ڈریپ قوانین میں اصلاحات

وفاقی وزیر صحت مصطفیٰ کمال کی زیر صدارت اعلیٰ سطحی اجلاس میں میڈیکل ریسرچ اور کلینیکل ٹرائلز کے فروغ پر غور کیا گیا۔ اجلاس میں ڈریپ اور این آئی ایچ کے چیف ایگزیکٹوز، ڈی جی ہیلتھ اور کلینیکل ٹرائل یونٹ کے ڈائریکٹر شریک ہوئے۔

وزیر صحت نے کہا کہ پاکستان میں میڈیکل ریسرچ کی بڑی صلاحیت موجود ہے۔ ملک کو کلینیکل ریسرچ کا علاقائی مرکز بنایا جا سکتا ہے۔ اس مقصد کے لیے ڈریپ بائیو سٹڈی رولز میں اصلاحات کی جا رہی ہیں۔ ان کا مقصد شفاف، مؤثر اور عالمی معیار کے مطابق سسٹم قائم کرنا ہے۔

جدید ڈیجیٹل نظام کے تحت تمام درخواستیں آن لائن پراسیس ہوں گی۔ نیشنل کلینیکل ٹرائلز سمٹ بھی منعقد کی جائے گی جس میں ملکی و غیر ملکی ماہرین شرکت کریں گے۔