کراچی کے 6 اضلاع کے ماحولیاتی نمونوں میں پولیو وائرس کی تصدیق

کراچی کے 6 اضلاع کے ماحولیاتی نمونوں میں پولیو وائرس کی تصدیق ہوئی ہے۔ نیشنل ایمرجنسی آپریشن سینٹر فار پولیو نے کراچی وسطی، شرقی، کیماڑی، ملیر، جنوبی اور غربی کے ماحولیاتی نمونوں میں وائرس کی موجودگی کی تصدیق کی ہے۔

این ای او سی کے مطابق جون کے دوران کراچی کے ان 6 اضلاع کے ماحولیاتی نمونوں میں پولیو وائرس نہیں ملا تھا۔ تاہم جولائی میں سندھ کے ضلع کشمور کے ایک ماحولیاتی نمونے میں بھی وائرس کی تصدیق ہوئی۔

اس کے علاوہ بلوچستان کے چمن، ڈیرہ بگٹی اور کوئٹہ، خیبر پختونخوا کے بنوں اور پشاور جبکہ پنجاب کے راولپنڈی کے ماحولیاتی نمونوں میں بھی جولائی کے دوران پولیو وائرس پایا گیا۔