سماعت سے متعلق دلچسپ معلومات

سماعت سے متعلق دلچسپ معلومات

٭انسانی جسم میں سب سے چھوٹی ہڈیاں تین ہیں جوکان میں پائی جاتی ہیں۔ ان ہی کے باعث ہمارے لئے آوازوں کو سننا ممکن ہوتا ہے۔

٭جب ہم سو رہے ہوتے ہیں تو اکثر اوقات ہمیں اردگرد کی آوازیں سنائی نہیں دیتیں۔ اس کا سبب یہ ہے کہ اگرچہ ہمارے کان سوتے وقت بھی مختلف آوازیں سنتے ہیں تاہم ہمارا دماغ انہیں قبول نہیں کرتا یعنی انہیں پراسیس نہیں کرتا۔ یہی وجہ ہے کہ ہم ان سے آگاہ نہیں ہو پاتے۔

٭انسان صرف وہی آوازسن سکتے ہیں جن کی فریکوینسی20 ہرٹزسے20,000 ہرٹزکے درمیان ہو۔ شیرخوار بچے اس سے قدرے اونچی آوازیں بھی سن سکتے ہیں۔ جوں جوں ان کی عمربڑھتی چلی جاتی ہے ان کی زیادہ اونچی آوازسننے کی استعداد کم ہوتی چلی جاتی ہے۔واضح رہے کہ ہرٹزفریکوینسی کی اکائی ہے۔

٭ 20,00 ہرٹزسے اوپرکی آوازیں الٹراسونک سائونڈزکہلاتی ہیں۔ ہسپتال،کھیتوں، باغیچوں اورگھروں میں الٹراسونک سائونڈ ریپیلرز کا استعمال مختلف کیڑے مکوڑوں کو بھگانے لے لئے کیا جاتا ہے۔

٭کتوں کی قوت سماعت انسانوں کے مقابلے میں کہیں زیادہ ہوتی ہے۔ وہ 45,000 سے 65,000 ہرٹز تک کی آوازبھی سن سکتے ہیں۔ یہ جانورایسے شوربھی سن سکتے ہیں جنہیں سننا انسانوں کے لئے ممکن نہیں ہوتا۔

٭ہوا کے مقابلے پانی میں آوازچار گنا زیادہ تیزحرکت کرتی ہے۔

٭اکثرمکھیاں قوت سماعت سے محروم ہوتی ہیں۔ تاہم ان کی کچھ اقسام ( مثلاً خون چوسنے والی مکھیاں) میں یہ قوت غیرمعمولی حد تک زیادہ پائی جاتی ہے۔

٭پانی کی تہہ میں موجود ڈالفن مچھلی 15میل دور سے آنے والی آوازوں کو بھی سن سکتی ہے۔

٭آوازخلاء میں حرکت نہیں کرسکتی۔ خلاء میں ہوا کے مالیکیولوں کی عدم موجودگی کے باعث کسی قسم کی آوازسنائی نہیں دیتی۔

٭سفید بلیاں جن کی آنکھیں زرد، سبزیا نیلی ہوتی ہیں‘ زیادہ ترقوت سماعت سے محروم ہوتی ہیں۔ یہ شرح نیلی آنکھوں والی سفید بلیوں میں زیادہ پائی جاتی ہے۔

٭زمین پر قدرتی آوازوں میں سب سے اونچی آوازآتش فشاں کے پھٹنے کی ہے۔
٭انفرا سائونڈز (وہ آوازیں جو بہت ہلکی ہوتی ہیں) کو ڈراؤنی فلموں میں خوف، تھر تھراہٹ اوردل کی دھڑکن تیزکرنے کے لئے استعمال کیا جاتا ہے۔

Interesting facts about hearing, infrasound, vacuum

Read Previous

خوراک کی نالی میں رکاوٹ کیسے دور کریں

Read Next

پٹھوں کا کھچاؤ

Leave a Reply

Most Popular