انڈے اورلیموں کا سوپ
اجزاء
مرغی کی یخنی 4 کپ
کچے چاول 2 کھانے کے چمچ
انڈے(ہلکے سے پھینٹے ہوئے) 2 عدد
لیموں کا رس 2 کھانے کے چمچ
نمک اورکالی مرچ حسب ذائقہ
ہرا دھنیا سجاوٹ کیلئے
ترکیب
٭یخنی میں نمک اورمرچ ملا کراسے ابلنے کی حد تک گرم کریں۔ پھرآہستہ آہستہ چاول ڈالتے جائیں،اس لئے کہ انہیں اکٹھا ڈالنے سے یخنی کا درجہ حرارت کم ہوجائے گا۔
٭ہلکی آنچ پرچاولوں کو گلنے تک یا 15 منٹ کے لئے پکائیں۔دھیان رہے کہ یہ زیادہ نرم نہ ہوں۔
٭انڈوں میں لیموں کا رس ملا کرپھینٹ لیں اورایک چمچ تیارکردہ سوپ ملائیں۔
٭ہلکی آنچ پرسوپ کو پکا کرگاڑھا کرلیں۔ اس دوران انڈوں کا محلول آہستہ آہستہ آہستہ سوپ میں شامل کرتے جائیں۔آنچ تیز ہونے کی صورت میں انڈے پھٹ جائیں گے اورسوپ علیحدہ ہوجائے گا۔
٭پیالوں میں ڈال کرہرا دھنیا چھڑک کرپیش کریں۔
غذائیت پہچانئے
قوت مدافعت بڑھانے والے غذائی اجزاء جیسے پوٹاشیم، سوڈیم، وٹامن سی، کے اورای سے بھرپوریہ سوپ ہرعمرکےافراد کے لیے مفید ہے۔ذیابیطس کے مریض اس سے لطف اندوزہوسکتے ہیں۔ دل کے مریض اس کی غذائیت بڑھانے کے لیے سبزیاں اورہڈی کے بغیر چکن شامل کر سکتے ہیں۔ چکن کی یخنی میں پوٹاشیم وافرمقدار میں موجود ہوتا ہے لہٰذا گردوں کے مسائل میں مبتلا افراد اس حوالے سے احتیاط کریں۔
lemon and egg soup, recipe, nutritional value of lemon and egg soup
