ڈراؤنے خواب قبل از وقت موت اور جلد بڑھاپے کا سبب، تحقیق

ماہرین کے مطابق ہفتے میں کم از کم ایک بار ڈراؤنے خواب دیکھنے والوں میں 75 سال سے قبل موت کا خطرہ تین گنا زیادہ ہوتا ہے۔ یہ تحقیق یورپین اکیڈمی آف نیورولوجی کانگریس 2025 میں پیش کی۔

تحقیق میں 26 سے 74 سال کے 4,000 سے زائد بالغ افراد شامل تھے۔ شرکاء کو تقریباً 20 سال تک ٹریک کیا گیا، اور ان کے ہیلتھ رزلٹس ریکارڈ کیے گئے۔ ماہرین کے مطابق ڈراؤنے خواب دل کی دھڑکن، سانس اور ذہنی دباؤ کو بڑھا سکتے ہیں۔ یہ عوامل بڑھاپے کے عمل کو تیز کرتے، اور قبل از وقت موت کے خطرے میں اضافہ کرتے ہیں۔

ڈراؤنے خوابوں سے چھٹکارا پانے کیلئے ماہرین نیند کی بہتر عادات اپنانے، ذہنی دباؤ کو مینج کرنے اور نفسیاتی علاج کا مشورہ دیتے ہیں۔