صحت مند انداز میں وزن گھٹائیں

صحت مند انداز میں وزن گھٹائیں

بڑھے ہوئے وزن کو گھٹانے کے لئے بعض لوگ ایسے طریقے استعمال کرتے ہیں جوان کی صحت کے لئے نقصان دہ ہوتے ہیں۔ کچھ لوگ اس کے لئے کھانا چھوڑدیتے ہیں جو نہ صرف خطرناک ہے بلکہ آگے چل کروزن میں مزید اضافے کا باعث بھی بن جاتا ہے۔ وزن گھٹانے کے سلسلے میں کچھ اہم اورقابل توجہ اموریہ ہیں

بارباروزن کی پیمائش

موٹاپے کے شکارافراد وزن کم کرنے کے دوران اپنے وزن کی پیمائش کوبہت اہمیت دیتے ہیں۔ جب انہیں فوری نتائج نظرنہیں آتے تووہ مایوس ہوجاتے ہیں۔ ایسا کرنے سے گریزکریں۔

جسمانی سرگرمی ضروری

وزن گھٹانے کے لیے جسمانی سرگرمیاں بہت اہم ہیں۔ روزانہ ورزش اورواک سے اضافی کیلوریزکم ہوتی ہیں۔ جسم کے مخصوص حصوں مثلاً پیٹ اوررانوں کی چربی کم کرنے کے لئے مخصوص ورزشیں ہوتی ہیں جن سے استفادہ کرنا چاہیے۔

خوراک کی منصوبہ بندی

پانی پیٹ بھرا رکھنے اوربھوک کم کرنے میں مدد دیتا ہے۔ اسی طرح فائبروالی غذا میں کیلوریزکم مقدارمیں موجود ہوتی ہیں اوران سے پیٹ بھی بھرا رہتا ہے۔ اس کے علاوہ صرف رات کو کھانا کھا کرسونے سے ہی وزن نہیں بڑھتا بلکہ دن میں کسی بھی وقت لی جانے والی زائد کیلوریزجسم میں چربی بن جاتی ہیں۔ اس لیے متوازن غذا کا متوازن مقدارمیں استعمال لازمی ہے۔

کھانا پکانے کا انداز

کھانا زیادہ پکانے یا تلنے سے اس میں موجود بہت سےغذائی اجزاء ختم ہوجاتے ہیں۔ مزید برآں تلی ہوئی چیزیں موٹاپے کا باعث بنتی ہیں۔کھانے میں تیل کا استعمال کم سے کم(صرف دو کھانے کے چمچ) کریں۔

وقت مقررکریں

کھانے کے اوقات مقررکریں۔ زیادہ وقفے کے بعد پیٹ بھرکرکھانے سے بہترہے کہ کم وقفے کے بعد تھوڑا کھائیں۔ آپ برابروقفوں سے دن میں پانچ سے چھ بارکھا سکتے ہیں۔

غذا میں چکنائی نہ لینا

وزن کم کرنے کے خواہش مند افراد ایسی خوراک لینے لگتے ہیں جس میں چکنائی کم ہوتی ہے یا سرے سے ہوتی ہی نہیں۔ ایسا کرنے سے وزن وقتی طورپرکم توہوجائے گا مگراسے برقراررکھنا مشکل ہوگا۔ اسے مکمل طورپرچھوڑنے کے بجائے کم استعمال کریں اورصحت مند چکنائیوں کوسیرشدہ چکنائیوں پرترجیح دیں۔

پروٹین ضرورلیں

پروٹین نشوونما اورجسم کی دیگرضروریات کے لیے بہت اہم ہے۔ اسے مکمل کھانے کے طورپرنہیں بلکہ اس کے ایک جزوکے طورپر استعمال کرنا چاہیے۔ گوشت اس کا بہترین ذریعہ ہے، تاہم یہ چربی کے بغیراورکم مقدا رمیں لینا چاہیے۔ اگراسے بالکل چھوڑدیا جائے تووزن کم ہوجاتا ہے لیکن جسم کمزوری کا شکارہوجاتا ہے ۔

Weight loss,  healthy tips, protein, balanced diet, use less oil, change cooking method 

LEAVE YOUR COMMENTS