لیکوریا سفید رنگ کا ایک خاص مادہ ہے جو بالغ خواتین کی شرمگاہوں سے خارج ہوتا رہتا ہے۔ اس کا اخراج خواتین کی تولیدی صحت کے لیے ضروری ہوتا ہے۔ یہ ماہواری سے کچھ دن پہلے یا اس کے درمیان خارج ہو، نارمل مقدار میں ہو، بالکل شفاف ہو اور اس میں بو نہ ہو تو یہ نارمل ہے۔ دوسری صورت میں یہ انفیکشن یا کسی اور مسئلے کی طرف اشارہ ہو سکتا ہے۔ لیکوریا سے بچاؤ کے لیے ٹِپس یہ ہیں:
بچاؤ کے لیے ٹِپس
٭ازدواجی تعلق کے بعد تولیدی اعضاء کو اچھی طرح صاف کریں۔
٭غسل کے دوران مقعد (anus)اور شرم گاہ پر زیادہ پانی بہائیں۔ بعد میں انہیں صاف تولیے سے اچھی طرح خشک کریں۔
٭جسم سے زہریلے اور غیر ضروری مادوں کے اخراج کے لیے مناسب مقدار میں پانی پیئیں۔
٭رفع حاجت کے بعد متعلقہ اعضاء کو پانی سے دھوئیں۔ بعض خواتین اس مقصد کے لیے صرف ٹشو استعمال کرتی ہیں جو کافی نہیں۔ ٹشو کے ذرے اندر رہ کر انفیکشن کا سبب بن سکتے ہیں۔
٭ہمیشہ خشک اور سوتی کپڑے کا زیرِ جامہ پہنیں۔ کپڑے بھیگ جائیں تو انہیں فوراً تبدیل کریں۔
٭ازدواجی تعلق سے قبل دونوں صفائی اور جنسی انفیکشن سے محفوظ ہونے کو یقینی بنائیں۔
٭تولیدی اعضاء کے اردگرد پاؤڈر، پرفیوم اور دیگر کاسمیٹکس نہ لگائیں۔
٭بچیاں بلوغت کی حدود میں داخل ہو جائیں تو انہیں ایچ پی وی (human papillomavirus) کی ویکسین ضرور لگوائیں۔
غذائی احتیاطیں
٭مٹھائی، پیسٹری، کسٹرڈ، آئس کریم اور پڈنگ وغیرہ کھانے سے پرہیز کریں۔ ان میں خمیر ہوتا ہے جو اس مرض کا سبب بن سکتا ہے۔
٭کھمبیاں یعنی مشرومز کم کھانے چاہیئیں۔ یہ مسئلہ میں تو زیادہ پرہیز کرنی چاہیے۔
٭کولا مشروبات میں شوگر زیادہ ہوتی ہے۔ یہ گیس بھی پیدا کرتے ہیں لہٰذا ان کا استعمال بھی کم کریں۔
٭اس عرصے میں خشک میوہ جات، کھٹی چیزوں اور مصالحہ دار اشیاء کا استعمال بھی کم کریں۔
ورزشیں
ذہنی دباؤ اور اعصابی تناؤ سے بچنے کے لیے روزانہ صبح کی سیر کریں۔ کھانے کے بعد چہل قدمی اور ہلکی پھلکی ورزشیں بھی بہت ضروری ہیں۔ ان سے جسمانی تازگی کے ساتھ بہت سی بیماریوں سی بھی بچا جا سکتا ہے۔ention, diet
