خشکی سے نجات
یہ ایک ایسا مسئلہ ہے جو عمر کے کسی نہ کسی حصے میں ہر شخص کو ضرورپیش آتا ہے۔ اس سے نجات کے لئے مندرجہ ذیل باتوں پر عمل کیجئے
٭معیاری اینٹی ڈینڈرف شیمپو ہفتے میں دو بار لازماًاستعمال کریں۔ اسے ضرورت سے زیادہ استعمال کرنے سے گریز کریں ورنہ سر کی جلد خشک ہوجائے گی اور مسئلہ مزید بڑھ جائے گا ۔
٭بالوں میں شیمپو کرنے کے بعد کنڈیشنراستعمال کریں ۔
٭اگر خشکی برقرار رہے تو ماہر امراض جلد سے مشورہ کریں۔
٭ذہنی دبائو سے بچیں‘ اس لئے کہ یہ خشکی کو تحریک کردیتا ہے۔
آپ کے بال جس انداز کے دکھائی دیتے ہیں‘ اس میں آپ کی خوراک کا کردار بہت اہم ہے۔ا س لئے ہمیشہ متوازن غذا کھائیں جس میں پھل اور ہری سبزیاں لازماً موجود ہوں۔ اپنی غذا میں چکنائی‘ شوگر اور نمک کا استعمال کم سے کم رکھیں ۔ اپنے بالوں کو صاف ستھرا رکھیں ۔ انہیں ہمیشہ مناسب شیمپو سے اور اتنی مرتبہ دھوئیں جتنی مرتبہ ضروری ہو۔ان کا خیال رکھیں اور ان پر خصوصی توجہ دیں تاکہ وہ آپ کی شخصیت کو نکھار اور سنوار سکیں ۔
Hair care, tips to get rid of dandruff, balanced diet
