بزرگ افراد
نیند نہ آئے توکیا کریں؟

بڑھاپے میں لوگوں کے چلنے پھرنے‘ جسمانی مشقت اورکام کاج کی شرح میں خاصی کمی آجاتی ہے۔ اس وجہ سے انہیں جسمانی تھکان نہیں ہوتی لہٰذا ان کی نیند کی ضرورت بھی کم ہوجاتی ہے۔ وہ دیگر لوگوں کی طرح سونا چاہتے ہیں لیکن ایسا نہیں کر پاتے۔ اچھی نیند کے لئے وہ ان ہدایات پرعمل کریں

٭دن کے وقت زیادہ دیرتک اُونگھنے اورسونے سے اجتناب کریں۔

٭شام کے بعد کیفین کے حامل مشروبات جیسے چائے اور کافی سے پرہیزکریں۔

٭رات کو سونے سے پہلے اگرایک گلاس دودھ پی لیا جائے تویہ نیند لانے کا اچھا نسخہ ہے۔ اگرموٹاپے یا کولیسٹرول کی شکایت ہوتو بلویا ہوا دودھ (جس سے چکناہٹ اوربالائی ہٹالی گئی ہو) پینا بہترہے۔

٭دن کے کسی حصے میں ورزش ضرورکریں۔ دل یا بلڈ پریشرکے مریض اس سلسلے میں ڈاکٹر سے مشورہ لیں۔ ورزش اورواک کرنے سے خون کی گردش بہتر ہوتی ہے، پٹھے اورہڈیاں مضبوط ہوتے ہیں اورموٹاپا کم ہوتا ہے۔ اس کے علاوہ تھکاوٹ نیند لانے میں بھی مدد کرتی ہے۔

٭گہری سانسوں کی مشق کریں۔ اندرکی طرف گہری سانس لینے کے بعد اسے آہستگی سے باہرنکالیں۔

٭دن کے وقت روشنی اورتازہ ہوا میں کچھ وقت ضرورگزاریں۔ اس سے رات کو بہترنیند آنے میں مدد ملتی ہے۔

٭سونے سے قبل بہت زیادہ ٹی وی مت دیکھیں۔ خوفناک پروگرام اورپریشان کن خبریں دیکھنے سے خاص طور پربچیں۔

٭کسی اچھی سی کتاب کا مطالعہ کریں۔

٭نیند کا ایک مخصوص وقت متعین کرلیں اوراس کے لئے آرام دہ بسترکا انتخاب کریں۔

٭سونے کے لئے ایسے کمرے کا انتخاب کریں جہاں شورنہ ہو اور روشنی بھی بہت کم ہو۔

sleep issue in elderly, tips for old people to get good sleep