جے سی آئی اعزازات میں شفا سب سے آگے، نئی تاریخ رقم

شفا انٹرنیشنل نے جوائنٹ کمیشن انٹرنیشنل (جے سی آئی) کی متعدد ایکریڈیٹیشنز اور سرٹیفکیشنز حاصل کر کے نئی تاریخ رقم کر دی ہے۔ تازہ کامیابیوں میں شفا انٹرپرائز اور شفا ایمبولینس سروس کی ایکریڈیٹیشنز نمایاں ہیں۔ شفا کی ہوم ہیلتھ کیئر کمپنی ای شفا کو بھی ایکریڈیٹیشن کے لیے تجویز کیا گیا ہے۔

شفا انٹرپرائز

شفا کے مطابق انٹرپرائز ایکریڈیٹیشن کے تحت مختلف مراکز اور سروسز میں مریضوں کے تحفظ اور طبی نگہداشت کے یکساں عالمی معیارات یقینی بنائے جائیں گے۔ یوں اب پورے شفا سسٹم میں محفوظ، معیاری اور شواہد پر مبنی نگہداشت صحت فراہم کی جائے گی۔ مریض اب شفا کے کسی بھی ادارے میں جائے، اسے ایک جیسی، بہترین سروسز ملیں گی۔

شفا ایمبولینس سروس

شفا ایمبولینس سروس (ایس اے ایس) جے سی آئی ایکریڈیٹیشن حاصل کرنے والی پاکستان کی پہلی ایمبولینس سروس بن گئی ہے۔ اسے جے سی آئی ایکریڈیٹیشن دی گئی ہے۔ یہ ہسپتال پہنچنے سے پہلے فراہم کی جانے والی ایمرجنسی کیئر میں ایک اہم پیش رفت ہے۔ محفوظ طبی نگہداشت مریض کے ہسپتال پہنچنے سے پہلے ہی شروع ہوجاتی ہے۔ اس مرحلے پر پیشہ ورانہ معیار، مریضوں کا تحفظ اور مؤثر رابطہ بنیادی اہمیت رکھتے ہیں۔

ہوم ہیلتھ کیئرسروسز

شفا کی ہوم ہیلتھ کیئر کمپنی ای شفا کو بھی جے سی آئی ہوم کیئر ایکریڈیٹیشن کے لیے تجویز کیا گیا ہے۔ اس سے ہسپتال سے باہر مریضوں کے گھروں تک معیاری ہیلتھ کیئر سروسز فراہم کرنا ممکن ہو سکے گا۔

یہ کامیابیاں جون 2026ء میں شفا انٹرنیشنل ہسپتال کو ملنے والی اکیڈمک میڈیکل سینٹر (اے ایم سی) ایکریڈیٹیشن کے تسلسل میں سامنے آئی ہیں۔ اسی ماہ ایکیوٹ اسکیمک سٹروک اور ایکیوٹ کورونری سنڈروم پروگرامز نے بھی جے سی آئی سرٹیفکیشنز حاصل کی تھیں۔ یہ سرٹیفکیشنز پیچیدہ اور وقت کے لحاظ سے حساس طبی حالات میں مربوط اور شواہد پر مبنی علاج کے معیار کی توثیق کرتی ہیں۔

شفا کے مطابق یہ کامیابیاں مریضوں کے تحفظ اور طبی معیار میں مسلسل بہتری کے عزم کی عکاسی کرتی ہیں۔ یہ اس امر کا بھی اظہار ہیں کہ پاکستان میں عالمی معیار کی سہولیات فراہم کرنا ممکن ہے۔ شفا کے ترجمان نے ان کامیابیوں کو ادارے اور پوری قوم کے لیے باعث فخر قرار دیا۔